ТОШКЕНТ, 24 авг – Sputnik. Денгиз сатҳидан 2200 метр баландликда жойлашган тоғли Ғелон қишлоғи экотуризм марказига айлантирилиши мумкин, деб хабар қилмоқда Ўзбекистон Туризмни ривожлантириш қўмитаси матбуот хизмати.
Ушбу мақсадда қишлоқдан беш нафар уйлар саралаб олиниб у ерда сайёҳлар турар жойлари ташкил қилиш тавсия берилди. Хонадонлар эгалари учун эса Шахрисабзда ташкил қилинган махсус ўқув семинарларида иштирок этишади.
Ундан ташқари, қишлоққа борадиган йўл ҳам таъмирланиб, у ерда керакли овқатланиш ва санитария зоналари ташкил қилишга қарор қилинди.
16 август куни Ғелон қишлоғига Туризмни ривожлантириш қўмитаси раиси А.Абдуҳакимов соҳа мутахассилари билан бирга ташриф буюрган эди.
Хабарда айтилишига кўра, Ўзбекистон Туризмни ривожлантириш қўмитаси келажакда сайёхликнинг треккинг, рафтинг, экотуризм ва этнотуризм каби йўналишларини ривожланитириш учун ҳудудлардаги сўлим тоғолди қишлоқларда ҳам шу каби шароитлар яратиш бўйича аҳоли билан ҳамкорликдаги лойиҳаларни давом эттиради.
