TOШКЕНТ, 19 август — Sputnik. Ўзбекистон Ташқи ишлар вазирлиги матбуот хизматининг билдиришича, давлатлар ўзаро ҳамкорликнинг ҳуқуқий асосини кенгайтириш истиқболларини муҳокама қилди.
17-18 август кунлари Ўзбекистон Ташқи ишлар вазирлиги делегацияси Минск шаҳрида бўлди ва икки томонлама муносабатларнинг шартномавий-ҳуқуқий асосини инвентаризация қилиш ва мустаҳкамлаш бўйича навбатдаги Ўзбекистон-Беларус вазирликлараро маслаҳатлашувларида иштирок этди.
Томонлар икки давлат ўртасида имзоланган халқаро шартномаларнинг ягона тартибини келишиб олишди.
