TOШКЕНТ, 12 август — Sputnik. “ASIAN FIGHT — 2017” турнирининг ижтимоий тармоқдаги саҳифасида ўзбек жангчиларининг мусобақага тайёргарлик жараёнлари акс этган видеолавҳалар жойлаштирилди.
Ушбу халқаро спорт турнири 9 сентябрь куни Тошкентнинг “Бунёдкор” стадионида бўлиб ўтади.
Шу куни рингга чиқадиган Анвар Бойназаров, Маҳмуд Муродов, Ҳасанхон Баратов, Муҳаммадали Тоштурғунов, Фурқатбек Ёқубов, Жасур Мирзамуҳамедовлар Ўзбекистон шарафини ҳимоя қилишади.
Машҳур киноактёр Жан Клод Ван Дамм, қоидасиз жанглар курашчилари Жефф Монсон ва Фёдор Емельяненколар меҳмон сифатида таклиф этилишган.
