TOШКЕНТ, 9 август — Sputnik. Тошкентлик Лайло Мусаева ва Мадина Рашидова “Коинот табассуми 2017” халқаро танлови финалида Ўзбекистон номидан қатнашади. Бу ҳақда танлов расмий саҳифасида эълон қилинди.
Лойиҳанинг асосий вазифаси сайёрадаги турли халқлар ўртасидаги дўстликни мустаҳкамлаш бўлиб, унда ижтимоий мавқеидан қатъи назар 18 ёшдан катта қизлар ва аёллар иштирок этишлари мумкин.
Августда барча финалчилар аниқланганидан сўнг, ҳакамлар сайёрамизнинг учта энг гўзал табассум соҳибаларини аниқлайди. Танлов ғолибаси пул мукофотидан ташқари, турли ижтимоий лойиҳаларда иштирок этиш ҳуқуқини қўлга киритади.
