TOШКЕНТ, 7 август — Sputnik. Мирзо Улуғбек номидаги Ўзбекистон Миллий университети иккинчи ва ундан кеийнги олий таълим олишни истаган фуқаролар учун сиртқи бўлимга қабул эълон қилди.
Хабарда айтилишига кўра, 2017-2018 ўқув йили учун 36 та таълим йўналиши бўйича ҳужжатлар қабул қилинади. Сиртқи таълим шаклидаги машғулотлар тажриба-синов тариқасида масофавий ўқитишнинг илғор усулларини қўллаган ҳолда олиб борилади.
Шунингдек, бир асрлик илмий анъаналарига эга бўлган ЎзМУ, билим ва юқори малака эгаллашни кафолатлайди, — дейилган хабарда. Ҳужжатлар Тошкент шаҳри, Олмазор тумани, “Ёшлик” шаҳарчаси, ЎзМУ қабул комиссияси томонидан 20 августга қадар қабул қилинади.
