TOШКЕНТ, 26 июл — Sputnik. "Ёшлар" телеканалининг янги директори этиб Мадамин Сафаров тайинланди, деб хабар бермоқда Uz24.uz.
Хабарда билдирилишича, у илгари "Тошкент" телерадиоканали раҳбари бўлиб ишлаган.
Мадамин Сафаров 25 июлдан ўз вазифасига киришган.
Илгарироқ Ўзбекистон халқ артисти Озодбек Назарбеков ўз ихтиёри билан "Ёшлар" телерадиоканали директорлигидан кетгани ҳақида хабар берилганди. Маълум бўлишича, у телеканалда бош продюсер сифатида фаолиятини давом эттиради.
