Дональд Трамп айбдор: Рекс Тиллерсон истеъфо бериши мумкин

ТОШКЕНТ, 25 июл — Sputnik. Дональд Трамп билан юз бераётган келишмовчиликлар туфайли АҚШ Давлат котиби Рекс Тиллерсон ўз лавозимини муддатдан олдин тарк этиши мумкин. Бу ҳақда  Америка дипломатияси раҳбариятига яқин манбалардан биридан олинган маълумот асосида CNN телеканали хабар берган.

Телеканал хабарига кўра, Тиллерсон ва Оқ Уй ўртасида Эрон билан мулоқот ҳамда муассаса ичидаги кадрлар сиёсати масалаларида жиддий келишмовчиликлар мавжуд. Бундан ташқари, АҚШ Давлат котиби мамлакат президентининг Адлия вазирлиги раҳбари Жеф Сешнс номига қилган оммавий баёнотларини профессионал иши эмас, дея баҳолаган.

Эслатиб ўтамиз, АҚШ Бош прокурори Жеф Сешнс "Россиянинг АҚШ сайловларига аралашуви" ишидан ўзини четлаштириш қарорини эълон қилгач, Трамп New York Times нашрига берган интервьюсида уни бу учун кескин танқид қилган эди.

Манбаларнинг сўзларига қараганда, Тиллерсон илгарироқ дўстлари билан суҳбати чоғида, АҚШ ташқи сиёсати маҳкамаси раҳбари сифатида ўз фаолиятидан кўнгли қолгани ва эгаллаб турган лавозимини йил охирига қадар тарк этиши мумкинлигини айтган. 

АҚШ собиқ давлат котиби Жон Керрининг ўрнига келган Рекс Тиллерсон 69-давлат котибига айланган эди.