ТОШКЕНТ, 24 июл — Sputnik. Қирғизистон президенти Алмазбек Атамбаев ўзидан олдин президент бўлган Аскар Акаевни ҳеч қачон кечирмаслигини айтди, деб хабар берди Спутник Қирғизистон.
Атамбаев бу гапни Чўлпон-Отада ўтказилаётган матбуот-анжумани вақтида айтган.
"Жаниш Бакиевга келадиган бўлсак, айтишим мумкин-ки, бизда уни ушлаб, жазосини берадиган МОССАД даражасидаги разведка хизмати йўқлиги таассуфлидир. У 7 апрелга қадар ва ундан кейин ҳам қанчадан-қанча одамларни ўлдирди, юз миллионлаб маблағларни ўғирлади! Акаев ҳақида ҳам гап очиладиган бўлса, келинг уни кечирайлик дейишади. Биз минг тонна олтинга ва "Қумторда" 67 % улушга эга эдик. Бу улуш 16%гача камайиб кетди. Мен Акаевни ҳеч қачон кечирмайман: минг тонна олтинни еб-тўймас оиласи учун бегоналарга қўш-қўллаб топширди", — деб таъкидлаган анжуман вақтида Атамбаев.
Қирғизистон президенти "мамлакат ва халқ мулкини талон-тарож қилган одамлар кечиримга лойиқ эмас", деб қўшимча қилган.
