TOШКЕНТ, 22 июл — Sputnik. Тожикистон пойтахтидаги "Амфитеатр"да 29 июль куни Ўзбекистон ва Тожикистон спортчилари иштирокида бокс-шоу бўлиб ўтади.
Ўзбек боксчилари қарши тожикистонлик Шерали Мамадалиев, Бахтиёр Мирзомуҳаммад ва Асрор Воҳидов рингга чиқади.
Бокс кечасида қуйидаги жуфтликлар куч синашишади: Шерали Мамадалиев (Тожикистон) — Мақсуд Жумаев (Ўзбекистон), рейтинг жанги, (66,678 кг), 8 раунд; Бахтиёр Мирзомуҳаммад (Тожикистон) — Алишер Ҳабибуллаев (Ўзбекистон), рейтинг жанги, (72,5 кг), 6 раунд; Асрор Воҳидов (Тожикистон) — Ҳумоюн Рустамов (Ўзбекистон), рейтинг жанги, (55,338 кг), 6 раунд.
Мазкур мусобақа "Таж Промоушен" компанияси томонидан ташкил этилмоқда, деб ёзади Sputnik Тожикистон.
