Тошкентда бир аёл ва 2 йигитдан иборат босқинчи гуруҳ қўлга олинди

© PixabayЗадержание преступника
Задержание преступника - Sputnik Ўзбекистон
Oбуна бўлиш
2017 йил 15 июнь куни номаълум шахс, босқинчилик йўли билан ўзганинг мол-мулкини талон-торож қилиш мақсадида, Юнусобод тумани ҳудудида фуқаро Ситора Абдусаматовага ҳужум қилиб, тан-жароҳати етказиб, ундан 12,5 млн сўм нақд пул маблағларини эгаллаб, ҳодиса жойидан яширинган

ТОШКЕНТ, 19 июн — Sputnik. Тошкент шаҳрида бир нафар қиз ва 2 нафар йигитдан иборат босқинчи гуруҳ қўлга олинди. Бу ҳақда Тошкент шаҳар ИИББ матбуот хизмати хабар берди.

Ҳибсга олиш жараёни - Sputnik Ўзбекистон
Талончилик жинояти бўйича қидирувдаги шахслар қўлга олинди

2017 йил 15 июнь куни тахминан соат 08:30 ларда, номаълум шахс, босқинчилик йўли билан ўзганинг мол-мулкини талон-торож қилиш мақсадида, Юнусобод тумани ҳудудида фуқаро Ситора Абдусаматовага ҳужум қилиб, тан-жароҳати етказиб, ундан 12 500 000 сўм нақд пул маблағларини эгаллаб, ҳодиса жойидан яширинган.

Мазкур ҳолат юзасидан Юнусобод тумани ИИБ ҳузуридаги Тергов бўлими томонидан Ўзбекистон Жиноят кодексининг 164-моддаси 1-қисми (босқинчилик, яъни ўзганинг мулкини талон-торож қилиш мақсадида ҳужум қилиб, ҳаёт учун ҳавфли бўлган зўрлик ишлатиб содир этиш) аломатлари билан жиноят иши қўзғатилган эди.

Тошкент шаҳар ИИББ ходимлари томонидан ўтказилган тергов-тезкор тадбирлари натижасида, мазкур жиноятни муқаддам судланган, Тулқин Абдугаппарович Халилов, Бекзод Тухтасин ўғли Абдуллаев ва Марҳуба Носировна Пулатовалар содир этишганлиги аниқланиб, улардан талон-торож қилинган пуллар далилий ашё сифатида олинган.

Халилов, Абдуллаев ва Пулатоваларга нисбатан қамоққа олиш тарзидаги эҳтиёт чораси қўлланилган. Ҳозирда дастлабки тергов ҳаракатлари давом эттирилиб, уларнинг бошқа жиноятларга алоқадорлиги текширилмоқда.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

 

Янгиликлар лентаси
0