ТОШКЕНТ, 22 май — Sputnik. Украина чегара хизмати 12 нафар Ўзбекистон ва 1 нафар Тожикистон фуқаросини, Қрим ярим оролига ташриф буюргани учун Украинага киритмади. Ундан ташқари уларга Украина ҳудудига киришга 3 йилгача таъқиқ қўйилди, РИА Новости хабарига асосан.
"Чонгар" назрат пункти чегарачилари Украина қонунларини бузгани учун яна бир гуруҳ фуқароларга Украина ҳудудига киришни таъқиқлади. 12 нафар Ўзбекистон ва 1 нафар Тожикистон фуқароси оккупация қилинган ярим оролдан пиёда чиқиб келишган", — дейилган хабарда.
Эслатиб ўтамиз, 2014 йил Украинада бўлиб ўтган ҳукумат алмашувидан кейин, Қримда умумхалқ референдуми ўтказилган эди. Референдумда Респбупика аҳолисининг 95,6 % Россия Федерация таркибига қўшилиш тарафдори бўлишган эди.
Украина ҳалигача Қримни ўзига тегишли ҳудуд ва Россия ярим оролни оккупация қилмоқда деб ҳисоблайди.
