Қозоғистон тадбиркорлари билан 18 млн долларлик шартномалар имзоланди

TOШКЕНТ, 16 май — Sputnik. Тошкент шаҳрининг 150 та саноат корхоналари ўзлари ишлаб чиқарган 1000 дан ортиқ турдаги маҳсулотлар билан кўргазмада иштирок этишди, деб хабар қилди "Подробно" нашри.

Кўргазмада Тошкент шаҳрининг саноат корхоналари томонидан ишлаб чиқарилган маҳсулотлар: электротехника, металлургия, кимё, енгил саноат, озиқ-овқат маҳсулотлари, мебел ва қурилиш маҳсулотларини ишлаб чиқариш ҳамда халқ истеъмол маҳсулотлари намойиш этилди.

Ўзбекистонда ишлаб чиқарилган товарларининг кўргазмаси катта муваффақият билан ўтди. Жумладан, Тошкент шаҳри корхоналари томонидан ишлаб чиқарилган маҳсулотларга катта қизиқиш билдирилган ҳолда 18 млн доллардан ортиқ экспорт шартномалари ва келишувлари имзоланди.

Кўргазмада 5000 дан ортиқ иштирокчилар қатнашди. Жумладан, Жанубий-Қозоғистон вилоятининг 9 та (Қоратау, Абай, Ал-Форобий, Енбекши, Толеби, Сайрам, Туркистон, Ордабаси, Отирар) туманидан 3500 нафардан ортиқ тадбиркорлар ҳамда Чимкент шаҳридаги корхоналардан 1500 дан ортиқ иштирокчилар ва вилоятдаги 100 га яқин қурилиш корхоналари раҳбарлари ташриф буюришди.