TOШКЕНТ, 15 май — Sputnik. Болгарияда ўтказилган чорвадорлар фестивали доирасида қўйни ким тезроқ қайчилашига бағишланган мусобақа ўтказилди, деб хабар бермоқда Sputnik Қирғизистон нашри.
Фестивал 12 майдан 14 майга қадар бўлиб ўтган. Қўйларнинг юнгини қайчилаш мусобақаларида Элдос Алишеров ва Ботирбек Акматовлар иштирок этишган, деб хабар қилди нашр.
Қирғизистон фуқаролари иккинчи ва учинчи ўринларни қўлга киритганлар.
Элдосга 100, Ботирбекка эса 50 евро пул мукофоти топширилган.
"Мен фестивалда бундай мусобақалар бўлишини билмагандим, шунинг учун тайёргарлик ҳам кўрмаганман, аммо ўз кучимни синаб кўришга аҳд қилдим. Бу мусобақада олтита давлатдан чорвадорлар қатнашдилар, мен учинчи ўринни эгалладим. Эртаси куни яна бир фермеримиз Элдос Алишеров иккинчи ўринни олди", деб ҳикоя қилган Акматов.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
