ТОШКЕНТ, 5 май — Sputnik. Ўш вилоятининг Ўзган туманида содир бўлган кўчки оқибатида 30та уй ва 35та таянч электр узатиш линиялари тупроқ остида қолди, деб хабар бермоқда Sputnik Қирғизистон ФВВ хабарига таяниб.
Тупроқ кўчиши бугун маҳаллий вақт билан соат 14.30да юз берган.
"Ҳеч ким жабрланмади, маҳаллий аҳоли кўчкидан аввал хавфсиз жойларга кўчирилганди", — деб хабар берди ФВВ матбуот хизмати.
Илгарироқ Ўш вилояти ҳокимияти вакили Таалайбек Сарибашев яқин-атрофдаги қишлоқларнинг аҳолиси кўчки ҳақида огоҳлантирилгани ва хавфсиз жойларга кўчирилгани ҳақида маълум қилганди.
Эслатиб ўтамиз, 29 апрель куни ҳам Ўзган туманида кўчки содир бўлиши оқибатида 11та уй тупроқ остида қолган ва 24 киши ҳалок бўлганди.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
