ТОШКЕНТ, 2 май — Sputnik. Ишонч телефони фаолияти йўлга қўйилди, деб хабар қилди Ўзбекистон Ички ишлар вазирлиги матбуот-хизмати.
Таъкидланишича, ушбу ишонч телефони орқали Ўзбекистон Республикасининг барча ҳудудидан ички ишлар органлари ходимларининг ноқонуний хатти-ҳаракатлари тўғрисидаги мурожаатлар қабул қилинади.
Эслатиб ўтамиз, феврал ойи бошларида Ўзбекистон президенти Шавкат Мирзиёев ички ишлар органлари фаолияти, тизимда мавжуд муаммо ва камчиликлар, истиқболдаги вазифаларга бағишланган видеоселектор йиғилишини ўтказган эди.
Ўзбекистон раҳбари ўшанда "Қонун ҳимоячиларининг ўзи жиноят содир этиб турса, оддий одам дардини кимга айтиши керак?" деган саволни ўртага ташлаган эди.
Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.
