ТОШКЕНТ, 22 апр — Sputnik. Ўзбекистон Ички ишлар вазири қатор лавозим тайинловларини амалга оширди.
Маълум бўлишича, Тошкент вилоятининг бирданига бешта туманида ИИБ бошлиғи ўзгарган.
Хусусан, подполковник Муродов Аваз Акбарович — Тошкент вилояти Бўстонлиқ тумани ИИБга, подполковник Ғозиев Дилшод Тўраевич — Паркент тумани ИИБга, подполковник Каримов Шавкат Абдиназарович — Пискент тумани ИИБга, подполковник Қўзибоев Баҳром Баҳодирович — Чиноз тумани ИИБга ва подполковник Эргашев Олим Зокирович — Қуйи Чирчиқ тумани ИИБга бошлиқ этиб тайинланди, деб хабар бермоқда "Кун.уз" "Постда" газетасига асосланиб.
