ТОШКЕНТ, 18 апр — Sputnik. Санкт-Петербургда амалга оширилган теракт ташкилотчиларидан бири сифатида гумонланаётган Аброр Азимов Петербургдаги терактда қандай рол ўйнагани ҳақида гапирди, деб хабар қилмоқда РИА Новости.
"Мени ҳибсга олишларига қарши эмасман. Портлашга алоқадорлигимга келсак — мен бундай демаганман. Мен алоқадорман, лекин бевосита эмас эмас", — деб таъкидлаган у.
Илгарироқ гумондорнинг адвокати Армен Задоян Азимов ўз айбига иқрор бўлаётганини айтган эди.
Сал олдин Москва вилоятининг Одинцово туманида Санкт-Петербург метросидаги теракт ташкилотчиларидан бири ҳибсга олингани ҳақида хабар берган эдик.
Москва шаҳри Басманная судида Азимов ўзи ҳақида қуйидагиларни маълум қилган:
"Россия фуқаросиман, маълумотим ўрта махсусдан ҳам қуйи — фақат 7 синфни тамомлаганман. Оилалиман, 2014 йилда туғилган фарзандим бор. Расман ҳеч қаерда ишламайман", — деб айтган у.
Ўзбекистон ва жаҳондаги энг сўнгги янгиликлардан хабардор бўлишни истасангиз, Sputnik Ўзбекистоннинг Telegram-каналига обуна бўлинг.
