ТОШКЕНТ, 16 апр — Sputnik. Шавкат Мирзиёевнинг Самарқандга бўлган ташрифи давомида, президентга Самарқандда яқин икки йил ичида қурилиши режалаштирилаётган эркин сайёҳлик маркази лойиҳасини тақдим этилди.
"Лойиҳага кўра, шаҳар марказидаги Амир Темур кўчасида сайёҳлик-кўнгилочар маркази ҳамда Самарқанд эшкак спорти каналида қишги дам олиш маскани пайдо бўлади", — дейилган президент матбуот хизмати хабарида.
Шунингдек, президент эътиборига, шаҳарда пайдо бўладиган янги сайёҳлик марказлари ва уларнинг янги хизматлари ҳамда ўзбек халқининг урф-одатлари акс эттириган тадбирлар ҳақида маълумотлар тақдим этилди.
