ТОШКЕНТ, 15 апр — Sputnik. Ўзбекистон президенти Шавкат Мирзиёев Самарқанд вилоятига ташрифи чоғида кузги-қишки мавсумда картошка тақчиллигига барҳам берадиган лойиҳа билан танишди. Бу ҳақда "Кун.уз" хабар бермоқда.
"Вилоятда "Шарқ" концерни таклифига биноан картошка етиштириш Илмий маркази ташкил этилади. Унинг ҳар бир вилоятда Фанлар академияси, "Шарқ" концерни ҳамда агрономлардан иборат бўлимлари ва лабораториялари фаолиятини ҳам йўлга қўйиш керак.
Бу кичик масала эмас. Бу нондир. Дунёда инқироз кетаяпти. Кафолатланган бюджет негизида мана шу нарса ётади. Бу инновациядир", — деган давлат раҳбари.
