ТОШКЕНТ, 12 апр — Sputnik. Россия ТИВ раҳбари Сергей Лавров АҚШ давлат котиби Рекс Тиллерсон билан учрашувдан олдин қичқириб савол беришга уринган журналистларга одоб-ахлоқ ҳақида эслатиб қўйди.
"Сизлар Сурия ҳукуматини қўллаб-қувватлаётганингиз тўғрими? Оқ Уйнинг кечаги баёнотини қандай изоҳлайсиз?", — сўради мухбир аёллардан бири.
"Оқ Уйнинг кечаги баёнотига жавобингиз борми?", — қичқирди бошқа бир журналист аёл.
"Сизларга ким тарбия берган ўзи? Одобни кимдан ўргангансиз?", — деди Лавров бунга жавобан.
Сўнгра Россия вазири нутқ сўзлади, навбатни Тиллерсонга берди ва америкалик журналист аёлга қарата деди: "Ана энди қичқирсангиз бўлаверади". Аёл унга илжайганча "раҳмат" деди.
Бироқ унинг ҳамкасблари кинояни тушунишмади ва яна қичқириб савол беришга тушишди.
