ТОШКЕНТ, 6 апр – Sputnik. Айни дамда Тошкентда Ўзбекистон ва Тожикистон давлат делегациялари орасида ўзаро парвозлар амалга ошириш борасида музокаралар бўлиб ўтмоқда.
“Ушбу ҳужжат икки мамлакат пойтахти орасида доимий парвозлар амалга ошириш учун ҳуқуқий асос яратиши керак”, — деди РИА Новости мухбирига делегация вакилларидан бири.
Транспорт вазири Шерали Ганджалзода бошчилигидаги Тожикистон делегацияси таркибида президент аппарати вакиллари, ТИВ, Адлия вазирлиги ва бошқа муассаса вакиллари бор.
“Музокара қатнашчилари Ўзбекистон ва Тожикистон орасидаги ҳаво алоқаси ҳақидаги шартноманинг якуний кўринишини муҳокама қилишмоқда”, — деди Тожикистон Транспорт вазирлиги вакили.
Эслатиб ўтамиз, 20 февралда Душанбедан Тошкентга, 4 апрелдан эса, Тошкентдан Душанбега режалаштирилган парвозлар турли сабабларга кўра амалга оширилмаган эди.
