ТОШКЕНТ, 6 апр — Sputnik. Ўзбекистонлик футболчи йўл транспорт ҳодисасида ҳалок бўлди, деб хабар қилмоқда "Даракчи" нашри.
Ўзбекистон чемпионати биринчи лигасида иштирок этувчи "Ғаллакор" жамоасининг икки нафар футболчиси аварияга учраган. Бу ҳақда Усмон Ибодов ўз твиттерида ёзиб қолдирган.
Техрон вафот этибди, Нурбек комада… Сирож Сайфиев билан бирга Нурбекни хам дуо килинглар, Аллох шифосини берсин… Еш футболчи эди…
— Usmon (@Usmon_IX) 4 апреля 2017 г.
"Ғаллакор" жамоасида тўп сураётган самарқандлик футболчилар Нурбек Сафаров ва Теҳрон автоҳалокатга учради.
Теҳрон вафот этди, Нурбек кома ҳолатида…", — деб ёзади "Динамо" ФК матбуот котиби.
4 апрель куни биринчи лига 1-тури доирасидаги “Ғаллакор” – "Истиқлол" учрашуви бўлиб ўтган ва унда меҳмонлар 1:0 ҳисобида ғалаба қозонишганди. Икки футболчи шу ўйинни ўтказиб Самарқандга қайтаётган бўлган.
