9 май Тошкентда байрамона салютлар билан нишонланади

© Sputnik / Илья Питалев / Медиабанкка ўтишБайрамона салют
Байрамона салют - Sputnik Ўзбекистон
Oбуна бўлиш
Ўзбекистон Республикаси Мудофаа вазирлиги Хотира ва Қадрлаш куни муносабати билан Тошкент шаҳрида 2017 йил 9 май соат 21.00 да байрам салютини ташкил қилади

ТОШКЕНТ, 5 апр — Sputnik. Ўзбекистон Республикаси президенти Шавкат Мирзиёев Хотира ва қадрлаш кунини кенг нишонлаш тўғрисидаги қарорни имзолади. Жорий йилда 9 май умумхалқ байрами – Хотира ва Қадрлаш куни тадбирлари "Қаҳрамонлик, бурч ва фидойилик" ҳамда "Аждодларни хотиралаш – муқаддас қадрият" шиорлари остида ўтказилади.

Вилоят шаҳар ва туманларнинг кўча ва майдонлари Хотира ва Қадрлаш кунига бағишланган плакат ва стендлар билан безатилади. Байрам дастурхонлари тузалади, Иккинчи жаҳон уруши вақтидаги композициялар инсталляцияси, жумладан, уруш йиллари қўшиқ ва мусиқалари қўйилади.

Мирзиёев қарорига асосан ҳар бир ветеранга 2 млн сўмдан пул мукофоти топширилади
Шунингдек, 1941-1945 йиллардаги Иккинчи жаҳон урушининг ҳар бир қатнашчисига, фронт орти меҳнат фахрийларига, мустақиллик йилларида хизмат бурчини бажариш чоғида ҳалок бўлган ҳарбий хизматчилар ва ҳуқуқни муҳофаза қилувчи орган ходимларининг оила аъзоларига моддий, маънавий ва бошқа турдаги ёрдамлар кўрсатиш мақсадида тегишли вазирлик ва идоралар, ташкилот ва ҳарбий қисмлар вакиллари бириктирилиб, ушбу тоифадаги шахсларни қутлаш ва кўнглини кўтариш мақсадида уларнинг яшаш жойига раҳбарларнинг ташрифи ташкиллаштирилади.

Ёлғиз ва кам таъминланган Иккинчи жаҳон уруши қатнашчилари турар жойи ва уй хўжаликларини таъмирлаш, ободонлаштириш ҳамда ўз уй-жойига эга бўлмаганларига турар жой ажратиш бўйича тегишли чора-тадбирлари ҳам амалга оширилиши кўзда тутилган.

Ўзбекистон Республикаси Мудофаа вазирлиги Хотира ва Қадрлаш куни муносабати билан Тошкент шаҳрида 2017 йил 9 май соат 21.00 да байрам салютини ташкил қилиши айтилган.

Янгиликлар лентаси
0