ТОШКЕНТ, 15 мар — Sputnik. Сирдарё туманида 2 номаълум шахс юзларига ниқоб кийган ҳолда бир аёлнинг уйига босқинчиликка кириб, унга тан жароҳати етказишди, деб хабар қилди Ўзбекистон ИИВ матбуот-хизмати.
Хабарда айтилишича, босқинчилар нафақахўр, 1953 йилда туғилган аёлнинг уйига бостириб кириб, уни уриб, тан жароҳати етказишган ва 230 минг сўм пули, сариқ металдан ясалган заргарлик буюми ҳамда "Нокия" русумли мобил телефонини олиб воқеа жойидан яширинганлар.
Олиб борилган тезкор-қидирув тадбирлари натижасида ушбу жиноятни Сирдарё туманида яшовчи, муқаддам судланган 1989 ва 1991 йилда туғилган шахслар эканлиги аниқланган.
Ҳозирда ушбу жиноятни содир этиш сабабларини аниқлаш юзасидан тергов ҳаракатлари олиб борилмоқда.
