ТОШКЕНТ, 1 мар — Sputnik. Чувашистон полициячилари товламачиликда гумон қилинган Ўзбекистон фуқаросини қўлга олишди, деб хабар берди Россия ИИВ матбуот хизмати.
У 2011 йил охирларида чувашистонлик аёлга магазин очишда ёрдам беришни ваъда қилиб унинг 115 минг рублини олади. Лекин ёрдам бериш ўрнига ғойиб бўлади.
У Россия ҳудудида сохта ҳужжатлар билан яшаб юрган.
Полиция ходимларининг тахминларича, унинг ноқонуний хатти-ҳаракатлари оқибатида жабр кўрганлар кўпчиликни ташкил этиши ҳам мумкин. Ҳозирда унга нисбатан Россия Жиноят кодексининг "Товламачилик" моддаси бўйича жиноят иши қўзғатилди.
