ТОШКЕНТ, 9 фев — Sputnik. Ўтган 2016 йил давомида бутун Россия бўйлаб энг кўп ўғирланган автомбиллар, одатдагидек LADA бўлди (8500та), чунки Россия кўчаларида ҳали ҳам "жигули" жуда кўп. Брендлар бўйича иккинчи ўринда Toyota, учинчи ўринда Hyundai ва тўртинчи ўринда KIA бўлди, деб хабар қилмоқда, Ugona.net саҳифаси.
Ўғрилар энг "яхши кўрган" автоулов моделларга келсак, бу ерда кутилмаган чемпион Hyundai Solaris — 1540 та бўлди. Иккинчи ўринда Kia Rio — 1059 та, учинчи ўринда Toyota Camry — 967 та.
Solaris ва Rio автомобиллари Россияда жуда кўп сотилган ва уларнинг аксарияти таксида ишлайди. Мутахассислар фикрига кўра, Hyundai Solaris ва Kia Rio автомобилларини ўғирлаш нисбатан осон экан.
Toyota Camry — эса халқ орасида жуда оммавий. Бундай автомобиллар одатда марказий йирик шаҳарларда ўғирланиб четроқа жойлашган кичик шаҳарларда сотилади, ёки эҳтиёт қисмларга бўлиниб сотилар экан.
Ўтган йили ўғирланган автомобиллар бўйича кейинги ўринларда Ford Focus (892та), Toyota Corolla (649та), Toyota Land Cruiser (622та) эгаллаган. Daewoo Nexia эса — 12 ўринда. Ўғрилар бор йўғи 276 Нексияга кўз олайтирган.
