ТОШКЕНТ, 8 фев — Sputnik. Ўзбек кинофильмлари энг кўп балла тўплаб, барча мамлакатлар фильмларидан ўзиб кетди, деб хабар беради портал.
Шундай қилиб, рейтингда биринчи ўринни ўзбек фильмлари эгаллади — 7,4 балл. Иккинчи ўринда 7,2 балл билан ҳинд фильмлари жойлашди. Россия киноларига 6,5 балл берилди. Ундан кейин 6,3 балл билан америка фильмлари жойлашган.
Рейтингда энг паст балл Малайзия фильмларига берилди — 5,3 балл.
Фойдаланувчилар севимли фильм жанрларига ҳам овоз бердилар. Энг юқори баллни аниме ва биографик бадиий фильмлар эгаллади — 7 баллдан. Рейтингда катталар учун фильмлар 5,1 балл ва қўрқинчли фильмлар — 5,3 балл билан энг қуйи ўринларни эгаллади.
