ТОШКЕНТ, 23 янв — Sputnik. Бугун эрта тонгда Фарғона водийсида ер қимирлаши қайд этилди, деб хабар қилмоқда Ўзбекистон Фавқулодда вазиятлар вазирлиги.
Хабарига кўра, Фарғона вилоятида қайд этилган ер силкинишлари кучи 4 баллни ташкил қилган, Андижонда — 3 баллни, наманганда — 3 баллни, Тошкентда — 1 баллни.
АҚШ ер қимирлашларини қайд этиш лабораторияси хабарига кўра, ер қимирлаш эпицентри, Қувасой шаҳридан 43 ким масофада Ўзбекистон-Қирғизистон чегарасига жуда яқин жойда жойлашган.
Ўзбекистоннинг бошқа ҳудудларида ер қимирлаши сезиларли бўлмаган. Жабрланганлар ёки еткизилган зарар ҳақида маълумот олинмаган.
