ТОШКЕНТ, 10 янв — Sputnik. Россиянинг Уралмашзаводи Ўзбекистон конлари учун иккита ЭКГ-5А русумли экскаватор ишлаб чиқаради.
ЭКГ-5А – бу улкан экскаватор бўлиб, унинг умумий вазни 200 тоннага яқин. Экскаватор ковши ичига 5 куб метр ҳажмда, оғирлиги 30 тоннагача бўлган руда сиғади. ЭКГ-5А экскаватори 3 ҳаракатда БелАЗ автомобилини юкхонасини тўлдиради. Қизиғи шундаки, экскаваторда бирорта ҳам бензинли ёки дизел двигател йўқ.Экскаватор фақат электр токи ёрдамида ишлайди.
Ўзбекистонда ишлаётган корхоналарнинг кўпи – бу давлат корхоналаридир.Улар асбоб-ускуна сотиб олишга жуда синчиков ёндашади. Уралмашзавод Ўзбекистонда ишончли асбоб-ускуна чиқарувчи сифатида танилган. Бизнинг экскаваторлар, майдалагичлар ва тегирмонлар НТМКда, Олмалиқ ТМКда, Бекободцемент ва бошқа корхоналарда ишламоқда”, — деди Уралмашзавод вакили Вячеслав Секачев.
Ушбу экскаваторлар Навоий тоғ-металлургия комбинати ва “Бекободцемент” корхонаси учун мўлжалланган. Экскаваторлар 2017 йилнинг 2 чорагида еткизиб берилади. Эслатиб ўтамиз, 2016 йилда Уралмашзавод НТМКга ана шундай экскаваторлардан бирини еткизиб берган эди.
