ТОШКЕНТ, 10 янв — Sputnik. Dreamlinerлар Ўзбекистонга 2019-2020 йилларда келтирилади, деб хабар қилинган Ўзбекистон Миллий авиакомпанияси расмий сайтида.
""Ўзбекистон Ҳаво йўллари" МАКни модернизация ва унификация қилиш дастури доирасида "Боинг" корпорацияси билан яна тўртта янги авлод Boeing 787-8 Dreamlinerларини етказиб бериш бўйича шартнома имзоланди. Янги "Орзу лайнерлари" 2019-2020 йилларда олиб келиниши кутилмоқда", — дейилади хабарда.
Илгарироқ, "Ўзбекистон ҳаво йўллари" Миллий авиакомпанияси яна тўртта Boeing-787 Dreamliner самолётига буюртма бергани ҳақида хабар қилган эдик.
Эслатиб ўтамиз, Ўзбекистон авиакомпанияси 2016 йилда иккита Boeing-787 Dreamliner авиалайнерини сотиб олганди.
