ТОШКЕНТ, 10 янв — Sputnik. Корея Республикасининг Ўзбекистондаги элчиси Квон Ён У маслаҳатчи-элчи Цой Чжон-Хо ва Давлат туризм қўмитаси раиси Анвар Шарапов билан учрашуви чоғида ана шундай фикр билдирди, деб хабар бермоқда Uzbekistan Today.
Корея томони вакиллари икки мамлакат ўртасида туризм соҳасида янада чуқур ва самарали ҳамкорлик қилишга тайёр эканликларини билдиришди. Хусусан, Ўзбекистонда меҳмонхоналар ва туризм инфраструктурасининг бошқа объектларини қуришда кореялик инвесторларни жалб этиш хусусида гап борди.
Учрашув якунида томонлар туристик салоҳиятни ошириш, туризм ва меҳмонхона бизнесига инвестициялар жалб этиш, кадрлар малакасини ошириш ҳамда туризм саноатини ривожлантириш бўйича тажриба алмашиш борасида Ўзбекистон ва Корея муносабатларини янада кучайтириш бўйича таклифлар ишлаб чиқишга келишиб олишди.
