ТОШКЕНТ, 2 янв — Sputnik. Туркия полиция хизмати Истанбулдаги терактни амалга оширганликда гумон қилинаётган шахс суратини эълон қилди.
Бу ҳақда 2 январ куни CNN Turk телеканали хабар тарқатди.Teröristin kimliği ile ilgili yeni bilgiler https://t.co/s0yEuEIYqj pic.twitter.com/Qq6Gk9TzRq
— CNN Türk (@cnnturk) 2 января 2017 г.
Сурат сифати жуда ёмон, чунки у ташқи кузатув камераси ёрдамида олинган.
Берилаётган хабарларга кўра, 28-31 декабр кунлари полиция хизмати Туркиянинг турли шаҳарларида ИДга алоқадор 63 жангарини қўлга олган. Ўтказилган сўровлар натижасида ушбу ҳужумга Ўзбекистон ёки Қирғизистон фуқароси алоқадор бўлиши мумкинлиги ҳақида маълумот олинган.
Истанбулдаги Reina тунги клубига қуролланган ҳужум Янги йил оқшомида амалга оширилди. Калашников атомати билан қуролланган террорчи клубни қўриқлаётган полициячини отиб ташлаган ва 700дан ортиқ киши бўлган клуб биносига кириб бориб у ердаги оломонга қарата ўт очган.
