ТОШКЕНТ, 25 дек — Sputnik. Мудофаа вазирлиги хабарига кўра, ҳалокатга учраган самолётда 84 йўловчи ва 8 экипаж аъзоси бўлган.
Ушбу самолёт ичида артистлар ва журналистлар Россия ҳарбийларини Янги йил билан табриклаш мақсадида "Хмеймим" авиабазасига йўл олишган бўлган. Йўловчиларнинг аксарияти Александров номли ашула ва рақс ҳарбий ансамбли артистлари бўлган.
Улардан ташқари самолётда, машҳур кўнгилли врачи Елизавета Глинка ҳам бўлгани аниқланди. "Справедливая помощь" фондининг ходими аҳоли орасида кўпроқ "Доктор Лиза" номи билан таниш бўлган. Бу сафа Доктор Лиза Суриянинг Латакия вилоятидаги болаларга дори воситалари олиб бораётган бўлган.
Шунингдек самолётда "Биринчи канал" журналистлари, мухбир Дмитрий Рунков, оператор Вадим Денисов ва овоз оператори Александр Сойдовлар бўлишган.
НТВ телеканалидан мухбир — Михаил Лужнецкий, оператор Олег Пестов ва овоз оператори Евгений Толстовлар бўлишган
"Звезда" телеканалидан ҳа уч киши, мухбир Павел Обухов, оператор Александр Суранов ва оператор ёрдамчиси Валерий Ржевскийлар бўлишган.
Россия Мудофаа вазирлигига тегишли бўлган Ту-154 ҳаво лайнери бугун эрталаб соат 05:20да Сочи аэропортида учиб чиққан эди. парвоздан 20 минут ўтиб ҳаво кемаси радарлардан йўқолиб қолди. Бир неча соат ўтиб лайнер қолдиқлари Қора Денгизнинг Сочи қирғоғидан 1,5 км узоқликда, 50-70 метр чуқурликда топилди.
