ТОШКЕНТ, 16 дек — Sputnik. Ўзбекистонлик комага тушиб қолган ўсмир қиз Санкт-Петербургдаги касалхонада вафот этди, деб хабар берди "Фонтанка.ру".
Ўзбекистонлик 15 ёшли қиз тиббиёт коллежида таҳсил оларди ва номаълум сабабга кўра комага тушган. У зудлик билан касалхонага ётқизилган ва ўзига келмай вафот этган.
Мазкур ҳолат бўйича текширув олиб борилмоқда. Қизнинг нега бундай ҳолатга тушгани ва вафоти сабаби аниқланмоқда.
