Россия янги ахборот хавфсизлиги Доктринаси қабул қилди

CC BY 2.0 / Yuri Samoilov / System LockАхборот хавфсизлиги
Ахборот хавфсизлиги - Sputnik Ўзбекистон
Oбуна бўлиш
Россиянинг стратегик мақсади – ахборот майдонида давлатлараро можаросиз муносабатлар мустаҳкам тизимини қуришдир.

ТОШКЕНТ, 6 дек — Sputnik. Владимир Путин Россиянинг янги ахборот хавфсизлиги Доктринасини  тасдиқлади, деб хабар қилмоқда  ҳуқуқий маълумот ахборот портали.

Янги Доктринанинг асосий йўналишларидан бири бу – ахборот технологиялари ёрдамида пайдо бўлиши мумкин бўлган ҳарбий можароларнинг олдини олиш.  

“Россия Федерациясининг ҳарбий сиёсатига мувофиқ, ахборот хавфсизлигининг асосий йўналишлари бу: ҳарбий можаролар пайдо бўлишини олдини олиш ва тўхтатиб қолишдир”, — дейилган президент имзолаган қарорда.

Шунингдек ҳужжатда айтилишига кўра, Россиянинг стратегик мақсади бу  - ахборот майдонида давлатлараро можаросиз муносабатлар тизимини яратишдир.

“Ахборот хавфсизлигини таъминлашдан асосий мақсад, бу – ахборот майдонида давлатлараро можаролардан холи бўлган, тенг ҳуқуқли ва стратегик ҳамкорликнинг мустаҳкам ва барқарор тизимини  яратишдир”, — дейилган ҳужжат матнида.

Янги Доктрина Россия президенти томонидан 5 декабрда имзоланди.

Янгиликлар лентаси
0