ТОШКЕНТ, 25 ноя — Sputnik. Россия президенти Владимир Путиннинг катта матбуот-анжумани 2016 йилнинг 22 декабрида бўлиб ўтади, деб хабар қилмоқда Кремль матбуот-хизмати.
Айни вақтда журналистларни аккредитациядан ўтказиш бошлангани эълон қилинган.
"Россия президенти матбуот ва ахборот хизмати бошқармасининг аккредитация ва брифинглар департаменти Россия президенти Владимир Путин матбуот-анжуманида иштирок этиш учун аккредитациядан ўтказишни бошлади. Матбуот-анжумани 2016 йилнинг 22 декабр санасида бўлиб ўтади", — дейилади хабарда.
Таъкидланишича, аризалар Роскомнадзорда рўйхатдан ўтган Россия ОАВлари ҳамда Россия ТИВ қошида аккредитациядан ўтган чет эл журналистларидан қабул қилинади. Аккредитациядан ўтказиш 2016 йилнинг 9 декабрида Москва вақти билан 17.00да тўхтатилади.
