ТОШКЕНТ, 2 ноя — Sputnik. Тожикистон ва Ўзбекистон ўртасидаги ҳукуматлараро келишув лойиҳаси тайёр ва ҳозирда тасдиқланиш арафасида, деб хабар қилмоқда Спутник Тожикистон.
Бу ҳақда Тожикистон Траспорт вазири Шерали Ганжалзода ўзининг республика парламенти қуйи палатаси олдида чиқиши вақтида баёнот қилган.
Эслатиб ўтамиз, икки мамлакат ўртасидаги авиаташувлар 1992 йилда, Тожикистонда фуқаролар уруши бошланган даврда тўхтатилган эди. Томонлар парвозларни қайта йўлга қўйиш масаласини бир неча бор кўтарган бўлсаларда, аммо ҳозирга қадар бу иш музокаралардан нарига ўтмаётган эди.
Сал олдин, Тожикистон ва Ўзбекистон виза тартибини осонлаштириш борасида музокара ўтказгани ҳақида хабар қилинган эди.
