ТОШКЕНТ, 31 окт — Sputnik. Бир неча кун олдин Тошкентдаги "Самарқанд дарвоза" савдо маркази ёнида мудҳиш ЙТҲ содир бўлди, деб хабар қилмоқда Nuz.uz саҳифаси.
"Мерс" катта тезликда бордюрга урилиб, осмонга кўтарилиб кетди ва ёни билан қарама-қарши йўналишда ҳаракатланаётган "Газель"га бориб урди", — деб ёзади воқеага гувоҳ бўлганларнинг бири "Водители Ташкента", ижтимоий гуруҳида.
Ижтимоий тармоқ фойдаланувчилари бўлиб ўтган мудҳиш ҳодиса фотосуратларини чоп этишди.
Мерседес автомобили ҳайдовчиси ва унинг ёнида ўтирган йўловчи аёл қурбон бўлишган. Кейинроқ "Газель" ҳайдовчиси ҳам қурбон бўлган. "Водители Ташкента" ижтимоий гуруҳи аъзолари фожеа қурбонларининг яқинларига таъзия ва ҳамдардлик билдирмоқда. Айниқса фожеада айбдор бўлмаган "Газель" ҳайдовчиси оила аъзоларига.
