ТОШКЕНТ, 20 окт — Sputnik. Пойтахтнинг “Бинокор” хоккей клуби Олма-отада бўлиб ўтган ҳаваскор хоккейчилар очиқ турнирида ғолиб чиқди, деб хабар қилмоқда Sputnik мухбири.
“Бинокор” жамоаси бўлиб у турнирдаги ягона Ўзбекистон жамоаси бўлди. “Бинокор” қозоғистонлик "Капчагай", "Енбек" ва "Скиф" жамоаларини — 9:0, 4:2 ва 4:1 ҳисобда осонлик билан енгди. Энг охирги ўйинда эса, ўзбекистонлик хоккейчилар турнирнинг энг сара ўйинчиларидан ташкил топган рамзий терма жамоаси устидан 6:4 ҳисобда ғалаба қозонди.
Шуниси қизиқ-ки “Бинокор” турнирнинг энг ёши катта жамоаларидан бири бўлди. Тошкентдаги Ice Rink хоккей тўгараги устозларидан ташкил топган жамоа ўйинчиларининг ўртача ёши 45да.
Эслатиб ўтамиз, Ice Rink клубининг энг ёш ўйинчиси — 7 ёшли Салохиддин Азимов Ўзбекистонлик биринчи хоккей легионери бўлди. Россиялик машҳур хоккейчи Павел Буре Салоҳиддиннинг қобилиятига юқори баҳо берди. Бу ҳақида Sputnik Ўзбекистоннинг махсус интервьюсида ўқинг.
