ТОШКЕНТ, 16 окт – Sputnik. Россия ва АҚШнинг бугунги кунги муносабати “совуқ уруш” даври муносабатлари даражасига етиб борди, деди Россиянинг БМТдаги доимий вакили Виталий Чуркин, Ассошиейтед пресс нашрига берган интервьюсида.
“Менинг фикримча, бугунги кунда умумий вазият жуда ёмон, муносабатлар 1973 йилдан буён энг ёмон даражага етган бўлиши мумкин”, — деди у.
Муносабатларнинг бундай ёмонлашувига маълум воқеалар занжири сабаб. “Биринчи навбатда бу – ўзаро ҳурматнинг мутлақ йўқлиги ва сиёсий масалаларнинг чуқур муҳокама қилинмаётгани”, — деди Чуркин.
Дипломатнинг сўзларига қараганда, АҚШ ва НАТО ўз хавфсизлик тизимини “Россия ҳисобидан” кенгайтиришга қарор қилишди. Ушбу мақсадда улар Шарқий Европа мамлакатларини НАТОга қабул қилишди. 2008 йилда НАТО саммитила Грузия ва Украинани ушбу ташкилотга қабул қилиб улар энг йирик фитнани амалга оширишди.
“Сабр косасининг синиши” эса – Украинадаги давлат тўнтарилиши ва Донбассдаги уруш бўлди, деди Виталий Чуркин.
Жиддий келишмовчиликларга қарамасдан томонлар ҳамкорлик қилишда давом этмоқда. Эрон ядровий келишуви ва БМТ Хавфсизлик кенгашининг Сурия бўйича резолюцияси муваффақиятли ҳамкорлик мисоли эканлигини эсга олди, БМТдаги доимий вакил.
Чуркиннинг сўзларига қааганда, Москва Вашингтон билан муносабатларни яхшилаш тарафдори. “АҚШда президент маъмурияти алмашуви бунга имконият яратса – аъло иш бўлар эди”, — деди Россия вакили.
