ТОШКЕНТ, 11 окт — Sputnik. Дунёдаги олтинга бой давлатлар рўйхатида биринчи ўринни Америка Қўшма Штатлари эгаллаган, деб хабар қилмоқда Спутник Тожикистон нашри.
Рўйхатдан жами 100 давлат ва ташкилотлар ўрин олган.
Марказий Осиё минтақасида олтинга бой мамлакат сифатида Қозоғистон тан олинган (21-ўрин), Афғонистон рўйхатнинг 60-поғонасини забт этган бўлса, қўшни Тожикистон ўзининг 12,3 тонна олтини билан 67-ўринда жойлашишга муваффақ бўлган.
Қирғизистон рўйхатда 83-ўринни эгаллаган.
Ўзбекистон ва Туркманистон рўйхатда кўрсатилмаган, деб ёзади нашр.
Рўйхатга саккиз минг тонна олтинга эга Қўшма Штатлар етакчилик қилмоқда. Иккинчи ўринни — 3,3 минг тонна олтин захирасига эга Германия эгаллаган. Учинчи ўрин эса Халқаро Валюта фондига ажратилган. Унлдан кейинги ўринларда Италия ва Франция келмоқда.
Россия Федерацияси 1,5 минг тонна олтини билан рўйхатнинг 7-поғонасида жойлашган.
