ТОШКЕНТ, 6 окт — Sputnik. АҚШ ва яна 40дан зиёд мамлакатлар чоршанба куни зарба берувчи учувчисиз ҳаракатланувчи аппаратларнинг экпорт тамойиллари тўғрисида баённомани тарқатдилар, деб хабар қилмоқда РИА Новости.
Декларацияни имзолаганлар орасида — ҳарбий дронларни ишлаб чиқарувчи энг йирик давлатлар бор: булар АҚШ, Буюк Британия ва Германия. Россия Шимолий Корея сингари ушбу баённомада иштирок этмаяпти. Ҳарбий дронларни кўп миқдорда ишлаб чиқарувчи — Исроил давлати ҳам бённомани имзолашдан бош тортган.
Баённомада таъкидланишича, зарба берувчи учувчисиз ҳаракатланувчи қурилмалар савдоси, трансфери ва улардан фойдаланиш стандартларини мустаҳкамлаш жоиз. Негаки, айни вақтда бу қоидалар муайян вазиятдан келиб чиққан ҳолда тартибга солинаётгани айтиб ўтилган.
Учувчисиз ҳаракатланувчи қурилмалардан фойдаланиш эса халқаро инсонпарварлик ҳақ-ҳуқуқлари, ҳарбий кучдан фойдаланиш тўғрисидаги халқаро қонунчиликка мувофиқ келиши лозим. Баённомага мувофиқ, ҳужжатга имзо чеккан давлатлар учувчисиз қурилмалардан ноқонуний кузатиш ва ноқонуний куч ишлатиш мақсадида фойдаланишдан тўлиқ воз кечадилар.
АҚШ кўп йиллар мобайнида Покистон, Афғонистон, Сурия, Яман, Сомали ва бошқа давлатларда ҳарбий дронлардан террорчиларга зарба бериш мақсадида фойдаланиб келади.
