ТОШКЕНТ, 3 окт — Sputnik. "Ислом давлати" террорчилик ташкилоти раҳбари Абу Бакр ал-Бағдодийни заҳарлашга уринишди деб хабар беради РИА Новости Iraqi Media News Agency агентлигининг Найнаводаги манбасига асосланиб берган хабарига таяниб.
Ироқ шимолидаги Найнаво вилоятида ИДнинг асосий таянчи — 2014 йилда эгалланган Мосул шаҳри жойлашган.
"Разведка маълумотларига кўра, ИД раҳбари Абу Бакр ал-Бағдодий ва яна уч нафар қўмондон овқатдан заҳарланган", — деб таъкидлайди агентлик суҳбатдоши.
Унинг айтишича, воқеа Мосулнинг жануби-ғарбидаги Сурия чегараси яқинида юз берган.
"ИД ал-Бағдодий бўлган ҳудудларда ҳибсга олишларни бошлаб юборди", — деган манба ҳамда жангарилар етакчилари "оғир заҳарланишдан азоб чекишаётганини", уларни номаълум томонга олиб кетишганини билдирган.
Iraqi Media News Agency суҳбатдоши ал-Бағдодийнинг қаердалиги фақатгина унинг атрофидагиларгагина маълумлигини, ИД раҳбари мунтазам равишда жойини ўзгартириб туришини қўшиб қўйган.
Оммавий ахборот воситалари ал-Бағдодийнинг ўлими ҳақида бир неча марта хабар берганди. Июн ойида Британиянинг Mirror газетаси жангариларнинг янгилик агентлиги хабарига таяниб ИД раҳбари Раққа шаҳрининг бомбардимон қилиниши вақтида ҳалок бўлганлигини ёзган, лекин бу хабар тасдиқланмаганди.
