ТОШКЕНТ, 2 окт — Sputnik. 2 октябр якшанба куни Тошкентда "Камолот-Тур" веломарафонинг финали бўлиб ўтади. Ушбу тадбир ўтказилиши муносабати билан, соат 09:00 дан 11:00 гача шаҳар марказида ҳаракат чекланган бўлади, деб хабар қилмоқда пойтахт ҳокимияти матбуот хизмати.
Хусусан, Абдулла Қодирий, Абай, Навоий, Шароф Рашидов, ва Ойбек ва бошқа кўчаларда вақтинча автомобил транспорти ҳаракати чекланади.
Шаҳар маъмурияти ушбй ноқулайликлар учун аҳолидан узр сўраб, ҳайдовчилардан марафон ўтказиш вақтида бошқа йўналишлардан фойдаланишни сўрашмоқда.
Ўтган дам олиш кунлари Тошкентда “Камолот-Тур” велопойгаси ўтказилган эди. Унда 150га яқин велосипедчилар қатнашган эди.
