ТОШКЕНТ, 1 окт — Sputnik. 1 октябр куни Ўзбекистон Ташқи ишлар вазирлиги расмий сайтида вазир ўринбосари тайинлангани ҳақида хабар пайдо бўлди.
"2016-йилнинг 1-октябр куни Ўзбекистон Республикаси Ташқи ишлар вазирлиги Коллегиясига вазир ўринбосари этиб тайинланган Абдураҳим Ходжаев таништирилди", — дейилади хабарда.
Қўшимча маълумотлар ҳозирча берилмаган.
Эслатиб ўтамиз, Абдураҳим Ходжаев 2004 йилнинг июнь ойидан 2015 йилнинг март ойига қадар ташқи ишлар вазирининг кадр масаласи бўйича ўринбосари сифатида фаолият юритган.
