Буюк Хитой телескопи - FAST ишга тушди

© AP Photo / Liu XuХитойнинг улкан FAST телескопи
Хитойнинг улкан FAST телескопи - Sputnik Ўзбекистон
Oбуна бўлиш
Дунёда энг катта телескоп FAST очиқ коинот изланишларида Хитой имкониятларини юксак даражага кўтариши керак.

ТОШКЕНТ, 25 сен – Sputnik. Хитой олимлари дунёда энг катта радиотелескоп — FASTни ишга туширишди, Синьхуа хабарига асосан.

FAST – Five hundred meter Aperture Spherical Telescope, яъни Беш юз метр апертурали сферик телескоп, оддийроқ қилиб айтганда – диафрагмаси 500 метр бўлган сфера шаклидаги радиотелескоп.

Диаметри 500 метр, юзаси 30 футбол майдонига тенг бўлган телескоп қурилиши 2011 йилда бошланган бўлиб, жами 180 млн доллар сармоя талаб қилди. Улкан телескоп қурилишида Хитой жануби-ғарбидаги Гуйчжой вилоятининг тоғли ҳудудларида мавжуд бўлган табиий рельефдан (чуқурликдан) унумли фойдаланилган.

© Foto : Twitter/@AJ_FI FAST радиотелескопи қурилиши
First of 4,600 panels for China's FAST telescope - Sputnik Ўзбекистон
FAST радиотелескопи қурилиши
Шундай қилиб Хитойнинг ушбу телескопи дунёда 52 йил давомида энг йирик телескоп бўлган, диаметри 305 метрли Пуэрто-Рикодаги Арссибо телескопини ортда қолдирди.

Хитой ахборот агентлиги хабарига кўра, FAST дунёда энг тез компьютерлардан бири — Sky Eye 1 билан жиҳозланади. Ушбу компьютер ўзга саёраларда ҳаёт қидириш, галактикалар пайдо бўлиш жараёнларини ва қора материяни ўрганиш  жараёнларида астрономик ҳисоб-китоблар билан шуғулланади.

© Foto : Youtube/ CCTV+ FAST радиотелескопи қурилиши
 China's largest single-aperture spherical telescope FAST - Sputnik Ўзбекистон
FAST радиотелескопи қурилиши

Янгиликлар лентаси
0