ТОШКЕНТ, 15 сен — Sputnik. Россия президенти Владимир Путин 16 сентябр куни МДҲ давлатлари саммитида иштирок этиш учун Бишкекка ташриф уюштиради. Эртаси куни Владимир Путин Қирғизистон президенти Алмазбек Атамбаев билан икки ёқлама учрашув ўтказади, деб хабар қилди РИА Новости ахборот агентлигига Россия президентининг ёрдамчиси Юрий Ушаков.
"Ўн еттинчи сентябр куни эрталаб Президентимиз Атамбаев билан учрашади. Шу куни Атамбаевнинг 60 йиллик юбилейи муносабати билан, эҳтимол, тадбир ўтказилар", деб таъкидлади Ушаков. Путиннинг Атамбаевга ҳозирлаб қўйган совғасига тўхталар экан, у шундай қўшимча қилди: "Мен у ерда битта эмас, бир нечта совғалар бўлишини айтмоқчиман, аммо улардан бири — давлат томонидан тортиқ қилинади".
Хабарда айтилишича, иккиёқлама учрашувнинг асосий мавзуси — иқтисодий ҳамкорлик бўлиб, шу жумладан, 12 августдан бошлаб Қирғизистоннинг Евроосиё Иттифоқига аъзолиги борасида ҳам музокаралар олиб борилади.
