ТОШКЕНТ, 14 сен — Sputnik, Алексей Богдановский. АҚШ Хитой устидан Бутунжаҳон савдо ташкилотига арз қилди, деб хабар қилмоқда РИА Новости.
Америка расмийларининг таъкидига кўра, Хитой ўрнатилган умумий қоидаларга зид равишда буғдой, маккажўхори ва шоли нархларини субсидия қилмоқда. Бу ҳақда АҚШ президенти Барак Обама сешанба куни баёнот қилган.
"Хитой ҳукуматининг буғдой, маккажўхори ва шолига бозор нархидан анча юқори нарх белгилаши ғирромона давлат субсидияларига олиб келмоқда. Бу эса, табиийки БСТ қоидаларига ҳам зиддир. Энг муҳим деб тан олинган дон экинларининг бузиб кўрсатилаётган нархлари Хитойда ортиқча ишлаб чиқаришга олиб келмоқда. Бу эса худди шундай дон маҳсулотларини бутун дунёга экспорт қилаётган америкалик фермерларга жиддий салбий таъсир кўрсатмай қолмаяпти", — дейилади Обама баёнотида.
