ТОШКЕНТ, 12 сен — Sputnik. Қозоғистон етакчиси Нурсултон Назарбоев Ислом Каримов қабрини зиёрат қилиб, гул қўйди ва Ўзбекистоннинг биринчи Президенти хотирасига ҳурмат бажо келтирди, деб хабар берди РИА Новости маҳаллий оммавий ахборот воситаларига таяниб.
Илгарироқ Қозоғистон президентининг матбуот хизмати Назарбоевнинг Самарқандга ташриф буюргани ва Президент вазифасини бажарувчи Шавкат Мирзиёев билан учрашуви режалаштирилгани ҳақида маълум қилганди.
Ўзбекистоннинг биринчи Президенти Ислом Каримов 2 сентябрь куни 78 ёшида инсульт оқибатида вафот этди. У ўзи туғилиб-ўсган Самарқанд шаҳрида мусулмон одатлари бўйича дафн этилди.
