Мустақиллик йилларида Ўзбекистон турли соҳаларда улкан ютуқларга эришди.
Айни пайтда, бутун дунёда бўй кўрсатаётган инқирозга қарамай, Ўзбекистон Республикаси миллий иқтисодиётни ривожлантиришда салмоқли кўрсатикичларни намойиш этмоқда. Бу ютуқларнинг барчаси — Ўзбекистон Республикасининг Биринчи Президенти Ислом Каримовнинг тўғри ва узоқни кўзлаб олиб борган сиёсати натижасидир.
Ислом Абдуғаниевич Каримов иқтисодий мустақилликка эришмасдан туриб, сиёсий мустақилликни таъминлаш мумкин эмас, деган фикрнинг қатъий тарафдори эди. Айнан шунинг учун ҳам Юртбошимиз томонидан машҳур беш тамойил асосида бутун дунёда тараққиётнинг "ўзбек модели" деб эътироф этилган Ўзбекистон иқтисодиётини тубдан ислоҳ этиш ва таркибий ўзгаришларни амалга ошириш дастури ишлаб чиқилди. Бу моделнинг туб негизини "Ислоҳот – ислоҳот учун эмас, аввало инсон учун" деган стратегик йўналишни амалга ошириш ташкил этади.
